Google ADS

Ushtria ukrainase raporton bombardimet ruse kundër civilëve ukrainas

11:54 | 19 Shkurt 2022
V. S.

Komanda e forcave të përbashkëta të Ukrainës po raporton bombardime intensive të shtunën në mëngjes nga separatistët e mbështetur nga Rusia kundër civilëve ukrainas.

Komanda publikoi fotografi që tregojnë sulme artilerie para një ore në fshatin Novoluganskoe, në rajonin e Donetsk, në veri të qytetit Horlivka të kontrolluar nga rebelët. Një re tymi i bardhë mund të shihet mbi shtëpi dhe një varg pemësh.

Separatistët sulmuan me predha artilerie 122 mm, tha ushtria e Ukrainës, raporton Guardian.

Komanda e forcave të saj të përbashkëta tha se duhej të merrej me 17 incidente të shkaktuara nga bombardimet gjatë 24 orëve të fundit. Zjarre të shumta ishin shuar.

Ka pasur 74 raste të sulmeve artilerie përgjatë vijës së kontrollit nga pala separatiste, me 39 vendbanime të prekura në rajonet e Donetsk dhe Luhansk. Pesë fshatra kishin humbur energjinë elektrike./kk/

Shpërndaje në rrjete sociale

Lajmet më të lexuara

Të ngjashme

Foto lajm